روحت أتقدم لخطيبتي الحاليه كنت اول مره أشوفها

اه اول مره أشوفها زي ما قربت

انا كنت شايف ومقتنع ان دي الطريقه الصح يسموها صالونات ماصونات مش هنختلف، كل الي كنت مقتنع بيه اني عاوز خد مميز حد كده مش زي الي بشوفهم كل يوم حد افهمه انا مين او انا ايه

حد يقدرني ويقدر تعبي ومجهودي

حد اديله عنيا وقَلبي وعمري كله

احاول انسي بيه الي راح وابني من جديد،

كنت كتير مش مقتنع اني ممكن افرح في يوم من الايام بس فعليا فرحت 

قابلت اجمل إنسانه في الكون حرفيًا بشوفها بتبسط بنسي كل حاجه،

حبيتها وحبيبتي والخطوبة الرسمي كانت في ١٠/١/٢٠٢٠

رجعت اكتب تاني مش عارف ليه رغم اني الحمدلله خطبت بس لسه موصلتش لمرحله الثقه التامه الي تخليني اقول كل الي جوايا معاها

او اني شايف انها مش هتستوعب

أيًا كان المهم اني رجعت اكتب تاني .

الاتنين ٢٢/٧، يوم الخميس الي فات كنت عند CFC وفجاه كنت هرمي نفسي ادام العربيات، ليه حاسس اني محتاج اعمل ده مش عارف !!، كلمت حد صحبي جدع جدا مستريحله وبحب اتكلم معاه وهو فاهمني كويس جدا، قلتله هو الانتحار حرام ؟، قالي طبعا، قلتله يعني انت شككت في كل حاجه جات علي دي :\، هو دايما بيحب يشكك في كل حاجه عشان يدور فيها كويس لحد ما يجيب اكبر قدر منها ويعرفه، المهم يعني قدنا نتكلم شويه كنا بنتكلم واتس، راح بعتلي فويس بود كاست علي انغامي بيتكلم عن الاكتئاب, وبمجرد ما سمعته لقيت نفسي كل الي اتقال فيها ويمكن ازيد بالحرف وبكل الحالات، الموضوع اطور معايا وبقيت طول الوقت مشغول بالموضوع ده، 

صديقي طلب مني اجيبله نص شريط تمول احمر "فراولة", وجبته وخدت منه نص رفعت ربع فى ربع, "فراولة , رفعت" مصطلحات كنت بس بسمعها ودلوقتى بستخدمها, بستخدمها مع الى عاوز يسمعها, بقيت بتشكل حسب الى ادامي, بقيت زي "الحرباية" بتتشكل حسب البيئة الى فيها, لو الي ادامي شبح وخاربها لازم ابين اني شبح انا كمان وخاربها بس "بحدود", وكذلك لو الى ادامي محترم لازم اقلب المحترم الى ملوش فى حاجه, مصطلح "التجمل" بحذافيرة, نرجع لموضوع الكميا للمره التانيه بخدها بدون اي نتيجه تذكر, بس كان لازم اقلب فيها شبح وانها سمعت وعلت المسائل ؟!, اه علت المسائل وونونت وطلبت بحاجات !!, عمري ما حسيت باي حاجه من الى بتتقال سواء فى الحشيش او ف الكميا بس لازم تبين انها مونونة اه مونونه, وركز بقى فى المهم مش كل ما اقول مصطلح غريب تستغرب -_-, الحشيش اخره بيخدرني لا بيعلي ولا بيطلب باي حاجه غير هدوء تام, فى مره من حوالي خمس سنين فى بداياتي مع الخرا ده, شربت سجاره فى قعده حلوة , فى لحظة فوقت لقيت نفسي ممدد عالسرير وقاعد بقرا كتاب, والباقي حواليا بيغني وبيرقص وبيلعبو !!, اكتر من مره بحاول اسال نفسي النتيجه الى بشوفها دي مبتحصليش ليه ؟!, هل هو فعلا مجرد وهم وكله مقتنع بيه وانا الوحيد الى مصدق ؟! يمكن.
عارف ان فى علامات استفهام فى البلوج دي بس كان لازم اتكلم فى الموضوع ده.

انهارده هشارك معاكم اول تجربة ليا فى "الكيميا" او بالتحديد التمول, التمول هو مسكن الام بس من المسكنات القوية جدا يعني مش للصداع والى شبه ده للالام المتوسطه والشديدة زي الحرق والكسر مثلا, من كام يوم حد لسه عارفه من قريب جاب سيجاره حشيش شيربناها سوا, بس كام يوم سالته ومعرفش سالته ليه "ليك فى الكيما ؟", وكان رده "لا, بس لو عاوز اجيبلك", وهنا قلتله الشريط على كام وعملت فيها ادرجي وكنت مدمن ومبطل وطلبت ارجع :"], المهم هو صدق وسال وقالى الشريط على 100, روحت ضارب تليفون على صديقي البرشامجي القديم المعروف ب "أ.م" قلتله الوضع كزا كزا قالى نص شريط وقتي قلتله خلصانه, نزلت امبارح مع الواد شارع الجسر فى شبرا, ومن شارع لشارع ومن حاره لحاره لحد ما جبنا نص صباع ونص شريط وروحنا خارجين, قابلت "أ.م" لفيت سيجاره شربناها كانت دمار, وروحت مروح, نمت واول ما صحيت قبل ما انزل الشغل روحت جايب كوباية مية, وروحت رافع حبايه خدتها من النص شريط قبل ما اديه ل"أ.م", لمده ساعه ولا اي حاجه لدرجه اني قابلت الواد الى جابلي قلتله الحاجه اي كلام, وقطمت عالحوار ,من ربع ساعه بالظبط لسه بقوم اجيب مية وفجاه لقيت نفسي بطوح فعليا بطوح مسكت نفسي بالعافية وجبت المية وقعدت تاني, كل كام دقيقه كده الاقي نفسي كنت فى حته تانيه ورجعت, الاحساس فشيخ بصراحه بس مش وقته فى الشغل :"], الاهم من ده هو اني مش حاسس بصداع كل يوم ولا اي ألم, ونفسي مسدوة مليش نفس اكل ولا ليا نفس اشرب سيجارة وده ممتع فشخ فشخ فشخ, مش عارف اليوم ده هيمر ازاى بس فعليا انا نص واعي ومش حاسس بجسمي,
ان شاء الله هكتب بلوج تاني بالليل الا فى حالة جد مستجد على مدار اليوم هكتبها لو استحقت.

اكيد كلنا قرينا عن الكلمة دي "الإرادة" بس كام واحد فينا استغلها وقواها, ياما نفسنا نعمل حاجات كتير بس مفيش الإرادة, عاوزين نبطل سجاير وننزل الجيم وناكل اكل صحي وووو, لامتي هنفضل نتعولق ولحد امتي يعني !!, الموضوع ده شاغلني جدا لانه هو مفتاح السعاده فى حياتي, لو قدرت فعلا يبقى عندي ارادة هبطل سجاير وهظبط جسمي الى عاملي ازمة, وهذاكر فى مجالي وهطور من نفسي, وغيرها كتير حاجات تبسطني هعملها فى حالة اني بقى عندي ارادة.